शेती तोट्यात,गावे ओस: तरुणाई शहराकडे का पळतेय आणि खेड्यांचे भवितव्य काय?
ग्रामीण स्थलांतर आणि शेतीचे संकट: तरुणांचा शेतीपासून दुरावा आणि शहरांवरील वाढत्या ताणाचे वास्तव शेतीतील घटता नफा, निसर्गाचा लहरीपणा आणि रोजगाराचा अभाव यामुळे ग्रामीण भागातील तरुण शहरांकडे स्थलांतरित होत आहेत. वाचा ग्रामीण अर्थव्यवस्थेचे वास्तव आणि शहरांवर पडणारा प्रचंड ताण. शेतातील माती ते शहराचे काँक्रीट: शेतीतील तोट्याने रिकामी होणारी खेडी आणि गुदमरणाऱ्या महानगरांची व्यथा महाराष्ट्राच्या ग्रामीण भागातून शहरांकडे होणारे स्थलांतर आता केवळ दुष्काळ किंवा आपत्कालीन परिस्थितीपुरते मर्यादित राहिलेले नाही; ते कायमस्वरूपी सामाजिक आणि आर्थिक प्रक्रियेचे रूप धारण करत आहे.एकेकाळी खळाळणाऱ्या गावांमध्ये आज केवळ वृद्ध आणि लहान मुले उरल्याचे चित्र विदर्भ, मराठवाडा, उत्तर महाराष्ट्र आणि कोकणातील अनेक खेड्यांमध्ये सर्रास दिसते. रासायनिक खतांचे वाढते दर, मजुरांची टंचाई, बदलत्या हवामानाचा लहरीपणा आ...