२६५ तालुक्यांत दुष्काळाची घोषणा; शेतकऱ्यांना कर्ज वसुली स्थगिती,वीजबिलात सवलत, पंचनामे तातडीने – उपमुख्यमंत्री एकनाथ शिंदे
शेतकऱ्यांची दिवाळी काळी होऊ देणार नाही – उपमुख्यमंत्री एकनाथ शिंदे यांची ग्वाही राज्यातील २६५ तालुक्यांमध्ये दुष्काळ जाहीर; शेतकऱ्यांना जमीन महसूल सूट, पीक कर्ज पुनर्गठन, वीजबिल सवलत आणि कर्जवसुलीस स्थगिती. नुकसानग्रस्त पिकांचे तातडीने पंचनामे करण्याचे निर्देश. मुंबई,दि.२६ सप्टेंबर २०२६ : संकटाच्या प्रत्येक काळात महायुती सरकार शेतकऱ्यांच्या पाठीशी ठामपणे उभे राहिले आहे. आताही दुष्काळी परिस्थितीत शेतकऱ्यांनाच आमचे संपूर्ण प्राधान्य राहील, अशी ग्वाही देतानाच आम्ही दिलेला शब्द पाळणारे असून २६५ तालुक्यांमध्ये दुष्काळ जाहीर करून त्यासाठीच्या उपाययोजना आणि विशेष सवलती जाहीर केल्याचे सांगत शेतकरी बांधवांची दिवाळी काळी होऊ देणार नाही, असे उपमुख्यमंत्री एकनाथ शिंदे यांनी सांगितले. यासंदर्भात अधिक माहिती देतांना उपमुख्यमंत्री श्री. शिंदे म्हणाले, गेल्या दोन ते तीन दिवसांपासून मुख्यमत्र्यांस...