पंढरपूरच्या विठ्ठल मंदिराजवळ आशीर्वादाचा दिवा; मोदींच्या २५ वर्षांच्या जनसेवेबद्दल कृतज्ञता
सेवा संकल्प अभियान : पंढरपुरात प्रज्वलित झाला आशीर्वादाचा दिवा;भाजपा कार्यकर्त्यांची उपस्थिती
पंढरपूरमध्ये सेवा संकल्प अभियान अंतर्गत भाजपा कार्यकर्ते अक्षय वाडकर यांच्या पुढाकाराने श्री विठ्ठल मंदिर पश्चिमद्वाराजवळ आशीर्वादाचा दिवा प्रज्वलित करण्यात आला.
पंढरपूर | ज्ञानप्रवाह न्यूज :पंतप्रधान नरेंद्र मोदी यांच्या सार्वजनिक जीवनातील २५ वर्षांच्या समर्पित जनसेवेबद्दल कृतज्ञता व्यक्त करण्यासाठी देशभरात सेवा संकल्प अभियान राबविण्यात येत आहे.या अभियानांतर्गत पंढरपूर येथे भाजपा कार्यकर्त्यांच्या वतीने आशीर्वादाचा दिवा प्रज्वलित करण्यात आला.
श्री क्षेत्र पंढरपूर येथील श्री विठ्ठल -रुक्मिणी मंदिराच्या पश्चिमद्वार परिसरात १७ सप्टेंबर रोजी सायंकाळी ७ वाजता हा उपक्रम आयोजित करण्यात आला होता. भाजपा पंढरपूर-मंगळवेढा विधान सभा प्रभारी अक्षय वाडकर यांच्या पुढाकाराने आशीर्वादाचा दिवा प्रज्वलित करून पंतप्रधान नरेंद्र मोदी यांच्या देशसेवेच्या कार्याला नागरिकांच्या शुभेच्छा व आशीर्वाद मिळावेत, यासाठी प्रार्थना करण्यात आली.
सेवा संकल्प अभियान च्या माध्यमातून सुशासन,गरीब कल्याण आणि राष्ट्रनिर्माणाच्या कार्याबद्दल कृतज्ञता व्यक्त करण्याचा संदेश देण्यात येत आहे.
पंढरपूरमधील या उपक्रमाला अक्षय वाडकर,अमर बाबर,नरसिंह परंडकर, अनिकेत मस्के, नचिकेत सांगोलकर,दीपक चव्हाण यांच्या सह भाजपा पदाधिकारी आणि कार्यकर्त्यांची उपस्थिती होती.
